Friday, March 29, 2024

Babayi gin-utdan ulo sa Sagay bangud sa karabaw nga ginbaligya; suspek wala nagahinulsol

- Advertisement -

Warning: graphic content

A MAN HOLDING A WOMAN’S HEAD

Isa ka makasilinidhi nga panghitabo ang nagkibot sa mga residente sang Brgy. Makiling kag bilog nga siudad sang Sagay sini nga Sabado, Nobyembre 26.

- Advertisement -

Si Judith Carballo ang temprano pa nga nagbukas sang iya tiyangge pasado las-7 sang aga kag natingala ini sang nagmuno ang isa sa manugbakal kun ano ang ginabitbit sang lalaki nga nagapadulong.

Una nila nga ginhunahuna nga ulo sang manequin lamang ang ginabitbit sang lalaki apang nagplanindog ang ila balahibo sang nakita nga may nagatulo nga dugo gikan sa ulo.

Nagdinalagan ang mga kustomer ni Judith samtang siya naman ang naurongan sang naghulam pa lighter agud magsindi sang sigarilyo ang lalaki kag nagpadayon sa paglakat.

THE CROSS

Nagpadayon sa panglakaton ang lalaki kun diin sa iya isa ka kamot, gina-uyatan  sini ang duguon nga ulo ka babayi samtang sa pihak nga kamot naman ang duguon man nga matalom nga pinuti.

Nagdiretso ini sa patyo ka baranggay kag didto ginpangita ang daku nga krus nga kumon kag gintungtong diri ang utod nga ulo sang babayi.

Head of the victim was found on the cross at the Brgy. Makiling Public Cemetery in Sagay City early morning of Saturday, November 26. Photo courtesy of Roel Pineda.
Head of the victim was found on the cross at Brgy. Makiling Public Cemetery in Sagay City early morning of Saturday, November 26. Photo courtesy of Roel Pineda.

BODILESS VICTIM

Ang utod nga ulo ka biktima ang sa ulihi nga nakilala nga amo si Maya Recodo, 57-anyos, isa ka laon, kag residente sang Sitio Pisong, Brgy. Dian-ay, sa siudad sang Escalante.

Lifeless body of the victim at the sugarcane field. Photo courtesy of Roel Pineda.
Lifeless body of the victim at the sugarcane field. Photo courtesy of Roel Pineda.

SOULLESS SUSPECT

Ang suspetsado ang ginkilala sa kay Randy Maniego, 35-anyos, may asawa, kaingod kag kakilala man sang biktima nga si Recodo, kag residente man sang nasambit nga lugar.

Photo of the 35-year-old suspect, Randy Maniego. Photo courtesy of Roel Pineda.
Photo of the 35-year-old suspect, Randy Maniego. Photo courtesy of Roel Pineda.

BRUTAL CRIME

Pasado las-7 sa bahin sang Sitio Himaya sa Brgy. Makiling, samtang nagapanglakaton ang biktima kaupod man ang manak sini nga si Berna, magapanindahan kuntani ang mga ini sa Brgy. Dian-ay sang makadungan nila ang suspek.

Bitbit ang isa ka matalom nga pinuti, hinali na lamang nga ginhandusan labo sang suspek ang mga biktima.

Una nga nalab-an sa kamot ang manak nga si Berna, rason ngaa nautod ang tatlo sini ka tudlo bangud sa pagsagang sini kuntani, kag maayo na lamang nga nakadalagan kag nakapalagyo ini.

Apang nabilin kag na-corner sa katubuhan ang biktima nga si Recodo, nga naga-singgitan kag nagapangayo sang bulig, apang nagpalangdulom na ang mata ka suspek nga si Maniego.

Wala sang kaluoy nga daw kaangay sang isa ka sapat nga gintadtad sang labo ang liog ka biktima tubtub nga mautod kag maseparar ang iya ulo sa iya lawas.

Didto na ginbitbit ka suspek ang ulo sang biktima kag naglakat padulong sa patyo samtang ginbilin ang lawas sang biktima sa kampo.

Head of the suspect on the cross at the cemetery. Photo courtesy of Roel Pineda.
Head of the victim on the cross at the cemetery. Photo courtesy of Roel Pineda.

UNLIKELY REASON

Suno sa mga nakakilala kag pamilya sang biktima, may yara sang karabaw nga ginapaatipan si Recodo sa suspek nga si Maniego, tubtob nga naglab-ot sa adlaw nga ginakinahanglan na nga ibaligya ni Recodo ang karabaw kag ginbawi ini sa suspek.

Bangud sini, suno kay Maniego, nangayo ini sang kantidad nga P10,000 para sa madugay nga pag-atipan sini sa sapat, apang ini nga kantidad ang indi masarangan sang biktima.

Nangyao na lamang sang P5,000 ang suspek tubtob nga nakalambut sila sa baranggay para mahusayan ang problema nila nga duha.

P3,000 WITH A GRUDGE

P3,000 lamang ang balor nga masarangan mahatag sang biktima sa suspek apang lipod sa ihibalo sang biktima, may kalangot kag kalain sang buot nga gintanom sa iya dughan kag panghuna-huna ang suspek nga nagresulta sa brutal sini nga pagpatay sa biktima.

NO REMORSE

Base sa pahayag sang suspek, wala ini sang paghinulsol kag gin-aku sini ang krimen nga wala sang tuyo nga magpangayo sang kapatawaran sa pamilya sang biktima bangud suno sa iya, nagakadapat lamang ang ginhimo sini sa biktima.

THE SURRENDER

Matapos nga naabtan sang mga opisyales sang baranggay ang suspek sa patyo, gilayon nga nagsungka kag nag-upod ini padulong sa baranggay hall.

Samtang narekober man sang mga otoridad ang ulo kag lawas sang biktima.

Ginahanda naman ang kaso batuk sa suspek nga yara na sa paghinakop sang Sagay City Police Station.

- Advertisement -

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles