Sunday, January 29, 2023

Babayi sa U.S. gina-alegar ginbuno-patay ang nagabusong nga abyan; suspek ginbuksan ang tiyan sang biktima kag ginkuha ang lapsag

- Advertisement -

TEXAS, US – Ginapamatbatan na ang babayi sa Texas, U.S. nga gina-alegar ginbuno-patay ang iya nagabusong nga abyan agud makuha ang lapsag sini kag paguwaon nga siya ang nagbun-ag sa baby para indi ini pagbulagan sang iya nga nobyo.

Suno sa Agence France-Presse, ginkilala ang suspek kay Taylor Parker, 29-anyos nga posible pamatbatan sang “life imprisonment” ukon bilog nga kabuhi nga pagkapriso kun mapamatud-an nga imboldado ini sa krimen.

A pregnant woman is stabbed and killed by her friend in US. Photo from Metro.

Sadtong Oktubre 2020, si Parker ang ginatudlo nga nagbuno kag nagpatay sa iya nagabusong nga abyan nga si Reagan Simmons-Hancock, 21-anyos nga residente sang New Boston, Texas.

- Advertisement -

Suno sa mga otoridad, pila na kabulan nga nagapakuno-kuno nga nagabusong si Parker agud indi ini pagbulagan sang iya nga nobyo kag naga-post pa ini sa social media angut sa peke sini nga pagbusong.

Sadtong Oktubre 19, 2020, gina-alegar nga nagkadto si Parker sa balay sang biktima kag ginbuno niya ini sang kapin 100 ka beses.

Gina-alegar nga ginbuksan ni Parker ang tiyan sang biktima kag ginkuha ang anak nga lapsag sini.

Gilayon naman nagpalagyo si Parker dala ang lapsag kag samtang nagamaneho ini, ginsita si Parker sang mga kapulisan kag ginsiling nga bag-o lamang ini nagbata.

Gindala naman sa ospital ang lapsag apang ginbawian naman ini sang kabuhi.

Ginalauman man nga magadugay lamang sa duha ka bulan ang pagahimuon nga pagpamatbat kay Parker.

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

- Advertisement -

Latest Articles