Babayi Ginluthang-Patay sang Iya Hinablos sa Capiz

CAPIZ – Patay ang isa ka babayi matapos ginluthang sang iya hinablos sa Brgy. Tuburan sa banwa sang Maayon sa Capiz sang Miyerkules, Agosto 24.

Ginkilala ang biktima kay Cherry Deocampo, 45-anyos.

Sandig sa imbestigasyon sang Maayon PNP, papauli na si Deocampo sakay sang iya motorsiklo sang ginluthang ini sang iya hinablos nga lalaki.

Gilayon nga gindala ang biktima sa ospital agud mabulong apang ginbawian ini sang kabuhi.

Nagpalagyo naman ang suspek pagkatapos sang krimen.

Nagapatigayon sang imbestigasyon sang kapulisan agud mahibaluan ang motibo sang suspek sa pagpatay sa biktima.