Bangud sa isa ka rare condition, nagasige ang pagdako sang dughan sang isa ka babayi sa Australia.
Suno kay Pamelia J., una siya nga nakabatyag sang pagsakit sa iya likod, liog kag abaga kag nanotisyaran niya man nga indi na maka-igo ang mga bra sa iya.
Sang magpalantaw siya sa doktor kag magpaidalum sa pila ka mga tests, na-diagnose nga may yara siya sang “gigantomastia.”
Suno sa mga doktor, posible nga bunga ini sang pagbag-o sa hormones, side effects sang mga bulong ukon sintomas sang autoimmune diseases.
Sa karon, indi pa matumod sang doktor ang ginhalinan sang “gigantomastia” ni Pamelia apang may yara siya sang polycystic ovarian syndrome ukon PCOS, nga posible rason sang hormonal imbalance sa iya nga lawas.
Nahibaluan nga masobra 12 kilos na ang kabug-aton sang iya nga dughan kag plano niya nga magpaidalum sa breast reduction surgery.
Bangud luyag pa niya nga magkabata liwat, gin-abisuhan siya sang doktor nga magbusong anay antes magpaidalum sa operasyon.
Sa karon, ginagamit ni Pamelia ang online platforms agud magpalapta sang impormasyon angut sa iya kondisyon.*
