Friday, March 29, 2024

Baby nabalik na sa iloy, duha ka bulan matapos ang linog sa Turkey

- Advertisement -

Pagkatapos sang malapit duha ka bulan nga pagbulagay tuga sang linog nga nagluntad sa Turkey, nabalik na si babay Vetin sa iya nga iloy.

Photo courtesy of Derya Yanik
Photo courtesy of Derya Yanik.

Ginbalik ang masobra tatlo pa lamang ka bulan nga lapsag sa iya iloy matapos ginpatigayon ang DNA test agud makumpirmar nga mag-iloy sila.

Masuwerte nga nasalbar si baby Vetin pagkatapos sang lima ka adlaw nga natampukan sang narumpag nga building sa probinsya sang Hatay.

- Advertisement -

Suno sa Ministry of Family and Social Services, wala sang balatian ukon problema sa panglawas ang nasambit nga lapsag.

“Reuniting a mother and her child is one of the most precious tasks in the world,” pahayag ni Minister of Family and Social Services Derya Yanik.

Ginkilala ang iloy sa kay Yasemin Begdas nga nasamaran man sang magluntad ang linog.

Samtang nalakip ang iya amay kag iya magulang nga lalaki sa masobra 56,000 nga wala makaluwas sa nagluntad nga linog sang Pebrero 6, 2023.

- Advertisement -

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles