Bacolaodiat Festival 2023, generally peaceful!

Nangin malinong kag matawhay ang tatlo ka adlaw nga pagselebrar sang Bacolaodiat Festival 2023 sa siudad sang Bacolod.

Suno kay Police Lieutenant Colonel Sherlock Gabana, tagpamaba sang Bacolod City Police Office, isa naman ka kadalag-an sa BCPO nga nasaulog ang Bacolaodiat Festival nga wala sang insidente nga nagluntad.

Pahayag ni Gabana, ini ang resulta sang ila pagdeploy sang kapulisan sa palibot sa bulig man sang iban nga government agencies kag force multipliers kag labaw sa tanan sa kooperasyon sang publiko.

Nahibaluan nga yara tanan sa 509 ka PNP personnel, force multipliers kag iban nga units and agencies ang gindeploy agud nga magbantay sa palibot sa tion sang selebrasyon sang Chinese New Year.*

By: Kabanderang Jinn Siatita