BACOLOD CITY – Igapatuman sang siudad sang Bacolod ang QR PH Digital Payments sa tanan nga mga negosyo kag lokal nga transportasyon angut sa Paleng-QR PH Program, base sa City Ordinance No. 1019.
Ginalauman nga epektibo ang digitalization sang pagbayad para sa pagpadayon sang mga negosyo kag government transactions samtang limitado pa ang paggiho.
Nagpadala naman sang sulat ang GCash kag PayMaya Philippines nga nagatuyo nga gamiton ang ila applications sang siudad angut sa Paleng-QR PH Program.
Kung matigayon ini sang Bacolod, ini ang pinakauna nga paglunsar sang Paleng-QR sa Western Visayas, ikaduha nga siudad sini nga tuig, kag ika-apat nga LGU sa bug-os nnga pungsod halin sang ginlunsar ang nasambit nga programa.
“QR payments will be available on all public markets, sari-sari store owners, Tricycle Operators and Drivers Associations (TODAs)/local transportations and other local merchants in Bacolod City are hereby directed to make QR Payments available to their customers, in line with the Paleng-QR Ph Program,” post sang BCD PIO.
