Friday, October 7, 2022

Bacolod, May Narekord Na Nga 47 Ka Covid Deaths Sa Bulan Sang Setyembre; Suplay Sang High Flow Oxygen Concentrators Bastante Suno Kay Doctor Chris Sorongon!

- Advertisement -

Ginpahayag ni Doctor Chris Sorongon, Medical data and analysis sang Bacolod nga may mga pribado nga sektor ang nagapalapit sa ila agud magdonar sang mga high flow oxygen concentrators para sa mga ospital sa syudad.

Ini ang kasunod sa pagdamo sang mga pasyente nga may COVID nga ginaadmit sa mga ospital.

Nahibaluan nga apat karon ka mga ospital sa siudad ang nag-anunsyo na nga temporaryo nga indi magbaton ang mga ini sang mga pasyente nga may COVID-19.

- Advertisement -

Ginpaathag ni Sorongon nga wala sang kakulangan sang oxygen supply ang mga ospital sa syudad apisar nga yara na sa full capacity ang mga hospital beds.

Iya man ginpahayag nga ginaakomodar man sa mga ospital ang mga pasyente gikan sa nagkalain-lain nga mga kabanwahanan kag syudad sa probinsya sang Negros Occidental.

Nagdangat na sa kapin 47 ka COVID deaths ang na rekord sa syudad sa bulan sang Setyembre.

Ginasiguro man ni Sorongon nga ginatinguhaan sang mga katapo sang Emergency Operations Center ukon EOC nga matapna ang pagtaas sang COVID cases sa syudad.

Sa karon, nagabilin sa gihapon sa Alert Level 4 classification sang COVID-19 ang Bacolod.*

- Advertisement -
Jinn Siatita
Jinn Siatita
Jinn Siatita, a radio reporter and a news writer in one of the local FM radio stations in Bacolod. Honed by the best and molded by experts.

Related Articles

Leave a Reply

Stay Connected

- Advertisement -

Latest Articles