Thursday, September 29, 2022

Bacolod Police Station 1 may person of interest na sa pagpatay sa isa ka lalaki sa Brgy. 36, Bacolod City

- Advertisement -

BACOLOD CITY – Ginkumpirmar ni Bacolod Police Station 1 commander Police Major Ramel Sarona nga may yara na sila sang ginakabig nga person of interest sa pagluthang-patay kay Jason Romo sa corner Araneta-Quezon Sts., Brgy. 36, Bacolod City tinalikdan nga Setyembre 15.

Sa interview sang Radyo Bandera Bacolod, ginpahayag ni Sarona nga kilala sang biktima ang nasambit nga person of interest sa diin may natabo pa nga pag-inaway sa tunga sang mga ini antes pa nagluntad ang insidente.

A man was shot dead while waiting for his girlfriend in a tricycle in Barangay 36, Bacolod City.* [photo courtesy of Randy Coronel]

Pahayag pa sang hepe, may nakuha na sila nga CCTV Footage nga makabulig sa ila imbestigasyon.

- Advertisement -

Personal grudge naman ang ginalantaw nga motibo sang kapulisan sa nagluntad nga pagpangluthang.

Madumduman nga nagapungko sa traysikol si Romo samtang nagahulat sa iya kahagugma sang ginluthang ini sang suspek sa ulo gamit ang kalibre 45 nga pusil.

Suno kay Sarona, sa tion makakuha sila sang testigo kag nagakaigo nga ebidenya, magapasaka sila sang kaso nga murder batok sa suspek.*

- Advertisement -
Jinn Siatita
Jinn Siatita
Jinn Siatita, a radio reporter and a news writer in one of the local FM radio stations in Bacolod. Honed by the best and molded by experts.

Related Articles

Leave a Reply

Stay Connected

0FansLike
- Advertisement -

Latest Articles