Nagdangat sa masobra sa 20 ka mga colorum nga traysikol ang tigayon nga nadakpan sang mga katapo sang Bacolod Police Station 10 kaupod ang Bacolod Traffic Authority Office (BTAO) sa ila ginpatigayon nga ‘one time, big time’ nga dakpanay sa Brgy. Handumanan.
Suno kay Police Major Richard Fajarito, hepe sang Police Station 10, ang nasambit nga dakpanay ang kasunod sa ginpatigayon nga untat-biyahe sang 169 ka mga traysikol drayber nga miyembro sang Tricycle Operators and Drivers Association of Handumanan ukon TODAH sa diin ila panawagan diri amo ang masupog nga dakpanay sang mga colorum nga traysikol.
Panindugan sang hepe, wala sila nagpabaya sa pagpangdakop sa mga ini nga ila pa ginadungan kun magpatigayon sila sang checkpoint sa lugar.
Suno kay Fajarito, indi gid malikawan nga makalusot ang iban sa mga ini bangud indi man sila permanente sa dalan kag sila lang man ang ginabantayan sang iban nga mga drayber agud nga makadalikyat sa pagbiyahe.
