DAVAO ORIENTAL – Natukiban ang bag-o nga species sang ilaga nga kaangay sang ‘shrew’ nga isa man ka sahi sang ilaga nga may malaba nga sungad sa kabukiran sang Davao Oriental, suno sa Department of Environment and Natural Resources (DENR) Davao Region.
Nagakaon ang nasambit nga ilaga sang lago ukon ulod kag may yara ini sang dark brown kag mahumok nga balahibo, gagmay nga mga mata kag dulunggan, kag malaba nga sungad.
Ginpangalanan ini sang Philippine-endemic rodent nga may scientific name nga Baletemys kampalili kun diin ang “mys” amo ang tinaga halin sa greek nga nagakahulugan nga ilaga kag “Balete” halin sa pangalan sang nagtaliwan nga Filipino field biologist nga si Danilo S. Balete.
Naghalin naman ang “kampili” sa pangalan sang bukid sa Davao Oriental kun diin natukiban ang bag-o nga sahi sang ilaga.
