Ginakabig sang mga rescuers nga “miracle” ang pagkasapo sang isa ka bag-ong bun-ag nga lapsag sa pungsod Syria.

Suno sa mga rescuers, ila nabatian ang tingog sang lapsag nga nagahibi gani nagpadayon sila sa pagkutkut gikan sa debris sang narumpag nga puluy-an.

Diri kag nakit-an ang buhi nga lapsag nga nagatabid pa sa placenta sang iya iloy.

Ginsaysay sang mga himata, nga patay na ang tanan nga pamilya sang lapsag sa sulod sang puluy-an.

Gilayon nga gindala sa ospital ang lapsag kag luwas na sa katalagman.

Nagluntad ang 7.8 magnitude nga linog sa Turkey sang tinalikdan nga lunes sang kaagahon, nga nagtay-og man sang pungsod Syria.

Miyerkules sang aga, nagsaka na sa masobra 7,900 ka mga persona ang nagkalamatay sa duha ka mga pungsod, kasunod sang mabaskog nga linog.*

Leave a Reply