Friday, March 29, 2024

Balay gina-alegar ginhungod sunog sa Kabankalan; amay napuno sang paso ang likod kag kamot

- Advertisement -

KABANKALAN CITY – Nagabangon pa lamang liwat ang pamilya Sayson humalin sang maglaslas ang bagyong Odette, apang isa naman ka trahedya ang nag-abot matapos gina-alegar ginhungod sunog ang ila nga balay sa Purok Ipil-Ipil, Brgy. Tagoc, siudad sang Kabankalan.

Photo courtesy of Rovic Mongcal
Photo courtesy of Rovic Mongcal.

Base sa panaysayon ni  nanay Noralyn, 40-anyos nga iloy sang lima ka kabataan, nagapahuway kag nagapiyong-piyong na sila sang gab-i sang Huwebes, Marso 23, apang nabugtawan kag nakasimhot ang mga ini sang gasolina.

Ginsugo ni nanay Noralyn ang iya kaupod nga si tatay Rosejan, 48-anyos, nga buksan ang puertahan.

- Advertisement -

Pagbukas sang puertahan, nagadaba-daba na ang kalayo takna las-8:30 sang gab-i.

Gilayon nga ginpukaw nanday Noralyn ang ila kabataan agud makaguwa sa balay.

Suno pa kay Noralyn, dala sang sobra nga kakulba, nabilin anay sa sulod ang isa sini ka bata bangud ulunan ang iya nabitbit imbes nga ang bata.

Apang masuwerte nga nahingagaw kuha kag nasalbar ang bata.

Napuno naman sang paso ang likod kag natuo nga kamot ni tatay Rosejan matapos madagdagan sang kisame samtang ginatinguhaan sini nga makuha ang ila gin-utang nga P20,000.

Photo courtesy of Rovic Mongcal
Photo courtesy of Rovic Mongcal.
Photo courtesy of Rovic Mongcal
Photo courtesy of Rovic Mongcal.

Dugang pa ni nanay Noralyn, katingalahan ang gintunaan sang kalayo bangud wala sila nagagamit sang kingki kay may yara sila sang flashlight bisan nautdan sang kuryente.

Nagakatingala man si nanay Noralyn sa gina-alegar nga ginhimo sa ila banugd pigado lamang sila kag wala man sila sang kontra.

Nagapangabay sang bulig si nanay Noralyn bangud wala guid sang nasalbar sa ila nga kagamitan pati ang mga gamit nga kinahanglan sang kabataan sa ila nga pag-eskwela.

Video courtesy of Rovic Mongcal.

Nagakabalaka man si nanay Noralyn kun diin kuhaon ang pangbayad sa ila ginhulam nga P20,000 nga wala man nila mapuslan matapos ginlamon sang kalayo.

- Advertisement -

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles