Tutukan sang Philippine National Police ang pag monitor sa mga tourist spots kag bar, matapos nga nagbaskog ang baligyaanay sang iligal nga druga sini nga summer vacation.
Suno sa mga otoridad, masami nga ginakadtuan sang mga pamatan-on nga nagakabiktima sang iligal nga druga ang nasambit nga mga lugar.
Sa report sang Pilipino Star Ngayon, ginbulgar ni PNP-PIO chief Col. Redrico Maranan nga nagapanago lang ang nagabakal sang “illegal drugs” kag kalabanan sa mga nagaka engganyo nga magbakal amo ang mga pamatan-on.
Aminado si Maranan nga sa ti-on sang bakasyon, wala too man ang party, gani ginabantayan na sang kapulisan ang mga bar kag ginlunsar ang Oplan Summer Vacation.
Nagpanawagan ang PNP sa mga ginikanan nga bantayan ang ila anak kag siguraduhon nga kilala sang pamilya ang gina updan sang mga kabataan.