BALOR SANG HALIT SA AGRIKULTURA BANGUD SA BAGYO ‘MARING’ NAGDANGAT SA MASOBRA P600-M

Nagdangat na sa masobra P608.50 million ang balor sang kahalitan tuga sang Severe Tropical Storm (STS) Maring, suno sa Department of Agriculture (DA).

Sa pinakaulihi nga data sang DA, kapin 29,063 ka mga mangunguma kag mananagat ang apektado sa mga lugar sa Cordillera Administrative Region, Ilocos Region, Cagayan Valley, Central Luzon, Bicol Region, kag Western Visayas.

Sa karon, padayon pa ang ginapatigayon nga assessment kag validation sang DA regional field offices sang damage kag losses nga tuga sang bagyong “Maring”.