Bana nga Nagpahukad Kan-on Ginbuno sang Asawa

Imbes nga kan-on, buno ang ginhatag sang isa ka babayi sa iya nga bana samtang nagapanyapon sa Sto. Domingo, Ilocos Sur.

Base sa imbestigasyon sang kapulisan, nagluntad ang pagbinaisay matapos nagpahukad sang kan-on ang bana bisan malapit ini sa kaldero, nga nagresulta sa pagpangbuno sang asawa.

Suno sa asawa, self-defense ang iya ginhimo bangud ginsumbag ini sang iya nga bana sang makapila ka bes.

Apang wala naman nakita sang kabataan nga ginsumbag sang ila nga amay ang ila nga iloy.

Dugang pa ni Police Lieutenant Rodel Marzon, Officer in Charge sang Sto. Domingo Police Station, nagalain-lain ang pahayag sang suspek kag gina-alegar sang ila mga himata nga may problema ini sa paminsaron.