Isa ka bangkay sang ginapatihan lalaki ang nasapwan sa Sitio Malingin,
Brgy. Guiwanon, Nueva Valencia probinsiya sang Guimaras.
Sa interview sang Radyo Bandera kay Chief Investigator PCMSgt. Orlando
Castellano, ginpahayag sini nga alas 6 sang gab-i sang masapwan sa higad
sang babayon sang amu nga isla ang banagkay nga yara na sa advance state of
decomposition ukon nagakaagnas na.
Suno pa kay Castellano nga nagasoksok ang biktma sang orange nga over-all,
puti nga t-shirt, short pants nga itom kag maroon nga brief.
Ginpatihan naman nga ginhungod nga patyon ang biktima bangud nga gingapus
sang kalat ang bug-os sini nga lawas antes nga ginhulog sa dagat.
Sang ginpadulungan sang kapulisan ang amu nga bangkay wala na nila ini maabutan
bangud nga ginkuha na sang Philippine Coast Guard.
Gilayon naman ini nga gin flash alarm sa tanan nga mga coastal station
agud nga makilala ang nasambit nga bangkay.
Sa karon wala pa makilala ang nasambit nga bangkay.
