Nakilal-an na ang bangkay sang isa ka lalaki nga nasapwan nga naga-utaw-utaw sa tunga sang lawod sa boundary sang Buenavista Guimaras kag Negros Island kag ginguyod sang duha ka mga manugpangisda pahigad sa Brgy. Sum-ag tinalikdan nga Pebrero 24, sang aga.
Ang bangkay ang ginkilala kay CRISTIAN DUCAY, 26-anyos, sang Kabac Bantayan Cebu.
Santo sa impormasyon nga nakuha sang Radyo Bandera sa Bacolod City Police Station 9, ang nasambit nga bangkay ang ginkilala sang iloy sini nga si Leonida Ducay kag iya utod nga si Leonarda Ducay pinaagi sa iya nga alom sa guya, sa iya nga burangos, kag sa iya nga buhok.
Madumduman, nga ginguyod nanday Charlie Chavez kag Joey Sanchez ang bangkay ni Ducay sang ila ini nakit-an nga naga-utaw-utaw samtang sila ang naga panagat sakay sa motorized banca.
