Matapos ang duha ka adlaw nga pagpangita, nasapwan na lang nga naga utaw-utaw kag isa na ka bangkay ang mananagat nga ginkilala kay Rogelio Alquisola, 61-anyos kag residente sang Sitio Quinalumsan, Brgy. Poblacion, sa banwa sang Toboso, Negros Occidental.
Mga takna las 11 sang aga Marso 3, 2022 malapit sa pantalan sang Punta Cruz sa amo man nga baranggay, nakita ang bangkay sang biktima nga yara na sa state of decomposition, suno pa sa report.
Ginkumpirmar naman ini sang mga himata ni Rogelio nga siya gid man ang nasapwan nga bangkay, base sa iya nga mga panapton.
Sa pagpang-usisa naman sang Toboso Police Station, wala man sang indikasyon nga may yara sang foul play, kag suno sa mga nakakilala sa biktima may yara ini sang ginabatyag nga possible nag atrakar rason nga ini ang nahulog sa sakayan pandagat kag nalunod.*
Photos courtesy of LDRRMO Toboso
