Bangkay sang duha ka lalaki kag isa ka babaye nga may igo sang bala, nasapwan sa sulod sang salakyan

Gina imbestigahan na sang mga otoridad ang kamatayon sang tatlo ka mga persona nga nakit-an sa sulod sang puti nga Honda Civic nga salakyan sa Pasay City.

Nasapwan sang kapulisan sa National Capital Region Police Office ang mga bangkay sang duha ka lalaki kag isa ka babaye nga lunsay may mga igo sang bala, Huwebes sang kaagahon, Pebrero 2.

Gamit ang CCTV footage, nagalaum ang mga otoridad nga makilala ang mga responsable sa kremin.

Gin eksamin man sang mga otoridad ang fingerprints sa salakyan , sa diin nasapwan ang mga bangkay.*