Wednesday, July 24, 2024

BANGKAY SANG NASAPWAN SA BREDCO PORT GINKILALA NA SANG PAMILYA

- Advertisement -

Positibo nga ginkilala sang bayaw sang biktima nga nasapwan patay sa BREDCO PORT Barangay 8 siudad sang Bacolod sini gid lamang nga aga.

Ang biktima ang ginkilala sa kay Ahmed Haj, 34 anyos sang Regent Pearl Brgy. Alijis, may live-in partner kag may duwa ka kabataan sa iya una nga live-in partner.

Ini siya ang positibo nga ginkilala ni Joseph Ballesteros, utod sang anay live-in partner ni Ahmed.

- Advertisement -

Suno pa sa kay Ballesteros nga si Ahmed ang half Omanis kag ang nanay sini ang isa naman ka Filipina nga yara karon sa Africa.

Dugang pa ni Ballesteros nga ulihi niya nakita si Ahmed kagab-i sa New Government Center pasado las 9 kag naga sakay sa puti nga Montero sport kaupod ang wala makilal-an nga persona.

Apang pasado las 12:00 kaina sang kaagahon indi na nila ma contact si Ahmed kag nabalitaan na gid lamang nila nga may nasapwan patay sa BREDCO.

Sa inisyal naman nga pag pangusisa sang Scene Of the Crime Operatives, nagangkon sang pilas sa nawala nga dughan si Ahmed paagi pag luthang kag nag lapos sa likod.

May posibilidad man nga gintapok lamang ang bangkay sini sa tunga sang hilamonan kag ila pa gina usisa kun ano nga calibre sang armas ang gin gamit sa pag tiro, pati na ang pagkakilanlan sang kaupod ni Ahmed sa salakyan sang ini ang ulihi nga nakita nga buhi.

Positibo nga ginkilala sang bayaw sang biktima nga nasapwan patay sa BREDCO PORT Barangay 8 siudad sang Bacolod sini gid lamang nga aga.

Ang biktima ang ginkilala sa kay Ahmed Haj, 34 anyos sang Regent Pearl Brgy. Alijis, may live-in partner kag may duwa ka kabataan sa iya una nga live-in partner.

Ini siya ang positibo nga ginkilala ni Joseph Ballesteros, utod sang anay live-in partner ni Ahmed.

Suno pa sa kay Ballesteros nga si Ahmed ang half Omanis kag ang nanay sini ang isa naman ka Filipina nga yara karon sa Africa.

Dugang pa ni Ballesteros nga ulihi niya nakita si Ahmed kagab-i sa New Government Center pasado las 9 kag naga sakay sa puti nga Montero sport kaupod ang wala makilal-an nga persona.

Apang pasado las 12:00 kaina sang kaagahon indi na nila ma contact si Ahmed kag nabalitaan na gid lamang nila nga may nasapwan patay sa BREDCO.

Sa inisyal naman nga pag pangusisa sang Scene Of the Crime Operatives, nagangkon sang pilas sa nawala nga dughan si Ahmed paagi pag luthang kag nag lapos sa likod.

May posibilidad man nga gintapok lamang ang bangkay sini sa tunga sang hilamonan kag ila pa gina usisa kun ano nga calibre sang armas ang gin gamit sa pag tiro, pati na ang pagkakilanlan sang kaupod ni Ahmed sa salakyan sang ini ang ulihi nga nakita nga buhi.

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles