SELOS ANG GINHALINAN KUNG NGA-A NAPATAY SANG SUSPEK ANG IYA ANAY NOBYA KAG UTOD SANG IYA NGA NOBYA SANG GINTALIKDAN NGA BIYERNES!
“Ginahatag ko man ang tanan, pero daw kulang pa… wala man ko nagpabaya sa iya,”
Tuman ang paghinulsol sang supetsado nga ginkilala kay Alvin Alanza yara sa legal nga pang-edaron sa pagluthang patay sa iya anay nobya kag sa utod pagid sang iya sini nga nobya sang gintalikdan nga Biyernes sa Purok Gonzaga Barangay Taculing ciudad sang Bacolod.
Sa exclusive interview sang Rdayo Bandera Patrol Team kay Alanza iya sini ginhambal nga apat katuig sila nga nag-updanay sang iya anay nobya antes paman ginpabulag sila sang pamilya sang babaye.
Apang depensa ni Alanza wala sila sang pormal nga break-up sang iya anay nobya kag apisar sang pagpamalabag sang pamilya sang babaye masami man gihapon sila nga nagakitaay.
Aminado ang suspek nga nagselos ini apang wala niya gintumod ang pangalan sang iya sini nga ginasilosan.
Nahibaloan nga anay updanay sa trabaho ang suspek kag iya anay nobya, kon sa diin ang babaye ang nagatrabaho bilang isa ka office staff kag ang suspek naman ang nagatrabaho bilang driver mechanic.
Indi man maathag sa bahin sang suspek kung ang iya anay nobya bala ang may pamilya na nga iban ukon wala.
Sa piyak nga bahin napatay niya man ang utod sang iya anay nobya matapos nga magtambag sa ila nga duha.
Matapos obrahon ang kremin nagtuyo pa kon tani nga magpakamatay ang suspetsado pamaagi sa pagbuno sa iya nga kaugalingon apang gilayon man ini nga nadala sa ospital.
Sa karon yara nahunong sa Police Station 6 sang Bacolod City PNP ang suspek para sa nagakaigo nga disposisyon.
