Thursday, September 29, 2022

Bangud sa Rabies Virus, anum na ang patay sa Bicol

- Advertisement -

Mahimo nga malikawan ang rabies infection, apang sa Bicol region, anum na ang nagkalamatay, bangud sa rabies virus, matapos nga makagat sang sapat.

Base sa record sang Department of Health (DOH)-Bicol Region, nagsaka sa 31,138 ang kadamuon sang mga nagpositibo sa rabies, matapos nga makagat sang ido kag iban pa nga sapat, humalin sang Enero tubtub Hunyo, sini nga tuig.

Sang tuig 2021, sa pareho man nga binulan, may yara lamang sang 25,736 ka mga na record nga biktima sang animal bites okon kagat sang sapat, mas manubo kumparar sa tuig 2022.

- Advertisement -

Angut sini, nag apela ang mga eksperto sa publiko nga magpadulong sa gilayon sa animal bite center, agud magpaidalum sa konsultasyon.

Ginpaathag sang DOH nga mahimo magresulta sa kamatayon ang komplikasyon sang rabies, kon indi mahatagan sang atensyon.

Ginhingyo man sang health department sa mga naga atipan sang sapat nga ipaidalum sa vaccination ang ila mga ido kag kuring.

Yari ang mga lugar nga may fatalities okon nagkalamatay sa Bicol Region, bangud sang rabies:

Camarines Norte – 2

Sorsogon – 2

Camarines Sur – 1

Masbate – 1

- Advertisement -
Sunshine Lacson
Sunshine Lacson
Former correspondent of DZRH network news. Editor and newswriter of Aksyon Radyo Bacolod. Anchorwoman of This is my life program of Aksyon Radyo Bacolod. Newscaster of Aksyon Radyo Bacolod. Currently the anchorwoman of It's Your Time to Shine at Radyo Bandera Sweet FM Bacolod.

Related Articles

Leave a Reply

Stay Connected

0FansLike
- Advertisement -

Latest Articles