Monday, September 26, 2022

Banwa sang Cauayan nga may Mataas nga Turn-out sang Enrollees, Ginpanginbulahan sang Probinsya

- Advertisement -

Ginpanginbulahan sang Provincial Government ang banwa sang Cauayan bangud sa mataas sini nga turn-outs sang enrollees kag mga nagapasakop sang “Face-to-Face” classes.


Suno kay Provincial Administrator Atty. Rayfrando Diaz sa ginpatigayon nga pagsinapol sang School Board kaupod si Governor Bong Lacson, gin-pahayag ni School Superintendent Marsette Sabbaluca nga mataas ang turn-outs sang mga kabataan nga nagapasakop sa face to face classes partikular na sa Senior High School.


Manubo naman ang turn-outs sa mga Grade School nga yara lamang sa 80 porsyento.

- Advertisement -


Dugang pa ni Diaz nga may mga eskwelahan naman nga naglab-ot sa masobra 100 porsyento ang enrollees kasubong sa banwa sang Cauayan.


Rason nga gina engganyo sang Probinsya ang mga eskwelahan nga may manubo nga turn-outs sang enrollees nga pagatun-an ang ginahimo sang mga Principal sa mga buluthuan nga may mataas nga kadamoon sang mga estudyante agud mapasanyog man ang ila enrollees.


Nahibaluan nga mahimo pa nga makahingagaw sa pagpa enroll ang mga ginikanan sang ila kabataan bilang “Late Enrollees”.

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

0FansLike
- Advertisement -

Latest Articles