Friday, March 29, 2024

Barangay kagawad sa Calatrava ginluthang sang nagpakilala nga mga pulis; mga suspek nagpakilala man nga mga NPA

- Advertisement -

CALATRAVA – Patay ang isa ka barangay kagawad matapos ginluthang sang armado nga mga lalaki sa Sitio Pinamaktinan, Brgy. Cambayobo, banwa sang Calatrava sini lamang nga Huwebes, Pebrero 23.

Contributed photo
Contributed photo.

Ginkilala ang biktima nga si Benito Hubahib, 61-anyos, may asawa, barangay kagawad, kag residente sang nasambit nga barangay.

Contributed photo
Contributed photo.

Base sa pahayag sang saksi nga himata sang biktima, tatlo ka armado nga mga lalaki ang nagsulod sa balay sang kagawad kag tatlo man ka armado nga mga lalaki ang nagserbe bilang lookout.

- Advertisement -

Nagpakilala nga mga pulis ang mga suspetsado kag ginpangitaan nila sang identification (ID) ang biktima.

Sang makita ang ID sang biktima, gindala nila ini sa guwa kag nagpakilala naman ang mga ini bilang mga katapo sang New People’s Army (NPA) antes ginluthang ang biktima sang makapila ka bes.

Nakaangkon ang biktima sang mga igo sang bala sa nagkalain-lain nga bahin sang lawas nga gintunaan sang iya gilayon nga kamatayon.

Hinali naman nga nagpalagyo ang mga suspek sa wala mahibaluan nga direksyon.

Narekober sa crime scene ang apat ka fired cartridge sang kalibre .45 kag tatlo ka fired cartridge sang 5.56mm.

Nahibaluan nga saksi ang biktima sa inventory sa kaso ni Felix Susas Jr., gina-alegar high-ranking official kag finance officer sang NPA, nga nadakpan sa nasambit nga barangay sang Enero 7, 2023.

Ini ang ginalantaw sang kapulisan nga motibo sang mga suspek sa pagpangluthang.

- Advertisement -

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles