Monday, September 26, 2022

BARANGAY KAPITAN SA CALOOCAN, GINPAARAKAN LUTHANG, PATAY

- Advertisement -

Patay ang isa ka incumbent barangay Kapitan samtang pilason naman ang iya asawa matapos ginpaarakan luthang sang wala pa makilal-an nga riding-in-tandem sa Caloocan City.

Suno kay  Caloocan police chief P/Col. Samuel Mina, dead on the spot ang biktima bangud sa nakaangkon nga igo sang bala sa lawas.

Ang biktima ginkilala kay Gerardo Ragos Apostol, 56 anyos, Kapitan sang Barangay 143 kag residente sang 55 Malolos Avenue, Bagong Barrio samtang ginabulong naman ang iya asawa nga si Evelyn, 56 anyos.

- Advertisement -

Base sa inisyal nga imbestigasyon ni P/Cpl. Anthony Wanawan, samtang nagapungko si Chairman Ragos sa atubang sang Apostol Rice and Egg Store nga ila ginapanag-iyahan sa Malolos Avenue, Brgy. 143, nag-abot ang isa ka motorsiklo takna alas-6:12 sang gab-i kag nagpondo sa atubang sang tindahan.

Base sa nakakita sa insidente, isa sa mga suspek ang nagpanaug sa motorsiklo kag ginpaarakan luthang ang biktima sa lawas.

Ginhakos pa sang asawa ang biktima apang gintiro man ini sang suspek sa tiil.

Gilayon man nga nagpalagyo ang suspek sa wala mahibaluan nga direksyon.

Kalakip sa anggulo nga ginalantaw sang kapulisan nga posible motibo sa pagpatay amo ang politika kag personal nga away.

Samtang padayon naman ang follow-up operation agud ma-identify ang mga suspetsado.

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

0FansLike
- Advertisement -

Latest Articles