Barangay tanod ginluthang-patay sa Moises Padilla

NEGROS OCCIDENTAL– Patay ang isa ka barangay tanod matapos ginluthang sang wala pa makilal-an nga suspetsado sa Sitio Tibobong, Barangay Quintin Remo, Moises Padilla, Negros Occidental kahapon, Marso 28, 2023.

Ginkilala ang biktima kay Marvin Caramihan, 50-anyos, may asawa, residente sang Sitio Uway-Uway sa kapareho nga barangay.

Suno sa report, nagasakay ang biktima sa motorsiklo angkas ang iya anum ka tuig nga anak halin sa proper sang Moises Padilla pakadto sa ila balay sang ini ang gintiro kag gilayon ginbawi-an sang kabuhi.

Nagapadayon naman ang imbestigasyon sang kapulisan may angut sa pagluthang-patay sa biktima.*