Ginpahibalo sang Land Transportation Franchising and Regulatory Board (LTFRB), nga magabayad na sang multa ang mga drivers kag konduktor nga mapamatud-an, nag-abuso sa ila mga pasahero.
Suno sa ahensya, gikan sa P5,000 tubtub P15,000 ang multa nga pagabayaran sang operator, drayber, konduktor kag iban pa nga mga empleyado sang pampubliko nga transportasyon, nga naglapas sa Safe Spaces Act okon Bawal Bastos Law.
Magluwas sa pagabayaran nga multa, mahimo man nga masuspendi okon makuhaan sang lisensya ang driver nga naglapas sa laye.
Ginklaro man sang LTFRB nga magapangatubang sang penalidad ang sin-o man nga driver okon operator nga mapaslawan sa pag report sang nagaluntad nga “sexual harassment” okon pagpang-abuso nga nagaluntad sa ila salakyan.*
