Ginhingagaw nga madala sa ospital ang 12 anyos nga estudyante, matapos nga nakaangkon sang igo sang bala sa sag-ang.
Nagluntad ang insidente sa San Jose Del Monte, Bulacan, las 5:40 sang aga kaina, Huwebes, Enero 26 sa Benito Nieto Elementary School sa Barangay Muzon.
Anak sang pulis ang biktima.
Suno kay Police Lieutenant Colonel Ronaldo Lumactod, Chief of Police sang San Jose Del Monte City PNP, nakuha sang bata ang armas sa ila puluy-an kag gindala sa eskwelahan.
Ginsaysay sang hepe nga nagpadulong sa comfort room ang bata dala ang armas luthang kag diri nabatian sang mga manunudlo ang lupok.
Naigo ang bata sang bala sa sag-ang kag naglapos sa ilong sang biktima.
Base sa resulta sang imbestigasyon, nahibaluan nga mahilig ang bata sa online games.
Posible nga wala makahuna huna ang bata nga mahimo siya nga mabawian sang kabuhi kon maigo sang bala, tuhay sa makita sa online games, nga mabuhi ang character, kon maigo sang bala.
Statement of Lumactod:
“Sa online gaming, kapag tinamaan ka, mabubuhay ka ulit. Pero dito sa totoong buhay, ‘pag tinamaan ka, wala na pong balikan po ‘yan.”*
