QUEZON – Bangud sa kapigaduhon, madamo nga mga kabataan ang nagapangabuhi sa kabudlayan bangud sa mga iresponsable nga ginikanan.
Kaangay na lamang sa kahimtangan sang bata nga si Rommel Quemenles sang syudad sang Quezon, kun diin sa hubin nga pang-edaron nagapanglimos na ini samtang naga-istar sa higad sang dalan agud makatibawas sa gutom sa kada adlaw.
The Daily Sen.
Suno kay Rommel, nagaisahanon lamang ini sa kabuhi bangud nabulag ini sa iya nga ginikanan kag mga utod sadtong bata pa ini.
Madamo naman sang natandog ang balatyagon matapos maglapta sa social media ang litrato sang bata kaupod ang iya hinuptanan nga ido nga gin-ngalanan ‘Badgi’.
Si Badgi ang kaupod ni Rommel nga naga-istar sa bangketa kag bangud sa kabudlay sang kabuhi, wala na naipadayon sang bata ang iya pag-eskwela.
Sandig sa nakakita sa ila, nagatupaday kag nagahakusanay ang bata kag ang ido samtang nagakatulog kag pirmi sila nagatunga sa pagkaon apisar nga madamo ini ukon madiotay lamang.
Madamo ang nagakabalaka sa kahilwayan sang bata bangud delikado nga magtinir sa bangketa ilabi na kun gab-i.
Samtang, matapos mag-viral ang istorya ni Rommel sa social media, madamo ang nagpadala sang bulig kag naka-eskwela sa liwat ang bata.
