Friday, March 29, 2024

Bata nga gindeklarar patay na, nabuhi samtang ginahaya sa Mexico

- Advertisement -

Trending karun sa Mexico ang 3-anyos nga bata nga gindeklarar patay na kag nagbangon halin sa iya nga lungon.

Suno sa report, gindeklarar sang mga doktor nga ‘dead on arrival’ na ang bata nga gintago sa pangalan nga “Camilla” kun diin ‘severe dehydration’ ang gintunaan sang kamatayon sini matapos makabatyag sang tuman nga pagsakit sang tiyan.

2 hands touching a closed wooden casket.  Farewell to a loved one. Photo from Christian Vuong.
2 hands touching a closed wooden casket. Farewell to a loved one. Photo from Christian Vuong.

Samtang ginahaya ang bangkay sang bata, napiyaran sang iloy sini nga nagabasa ang lungon sang bata nga senyales nga nagaginhawa pa ini.

- Advertisement -

Bangud diri, napagdesisyunan sang pamilya nga buksan ang lungon sang bata kag didto nila natukiban nga may pulso pa ini.

Gilayon naman nga nagtawag sang ambulansya ang himata sang bata kag gindala ini sa ospital.

Apang, tuman na nga nagaluya ang lawas ni Camila rason nga nabudlayan ang mga doktor nga i-revive ang bata kag sa ikaduha nga tion, gindeklarar ini sa liwat nga ‘dead on arrival.’

Pagasakaan naman sang kaso sang himata ni Camila ang ospital nga una nagdeklarar nga patay na ang bata kag nagapatigayon sa gihapon ang imbestigasyon angut sa insidente.

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles