Bata patay matapos ginkuha sa irigasyon ang iya nahulog nga tsinelas

Nalumos sa irigasyon ang bata nga naga edad sang onse anyos matapos nga nagtingwa nga makuha sa tubig ang iya nahulog nga tsinelas.

Nagpadulong sa irigasyon ang grade V nga estudyante, agud kuntani maglantaw sang mga nagapamunit sa irigasyon sang tinalikdan nga Sabado.

Sang mahulog ang tsinelas sa tubig, gintingwaan ini sang bata nga makuha, apang nahulog man ang biktima.

Wala na masalbar sang mga residente ang bata, bangud sang mabaskog nga “current” sang tubig.

Nakuha ang bangkay sang bata matapos ang anum ka oras.

Ginkilala ang biktima nga si Anthony Basquiña kag residente sang San Rafael, Bulacan.*