BLACKPINK ginkilala bilang ‘Most Streamed Female Band on Spotify’ sang Guinness World Records

Ginkilala ang K-pop group nga BLACKPINK bilang ‘Most Streamed Female Band on Spotify’ sang Guinness World Records (GWR) matapos makaagum sang 8,880,030,049 ka individual streams ang ila mga kanta.

Nalapawan sang BLACKPINK ang British pop group nga Little Mix, nga anay may kapyot sang nasambit nga titulo.

Pila sa mga kanta nga ginpasikat sang grupo amo ang “How You Like That” nga may 746,198,263 streams, “Kill This Love” nga may 672,084,360, kag ang “DDU-DU DDU-DU” nga may 574,613,362 streams.

Nahibaluan nga ang BLACKPINK man ang may kapyot karon sang record para sa “Most Subscribers for a Band on Youtube,” “First Female K-pop Group to Reach No.1 on the UK Albums Chart”, kag “First Female K-pop Group to Reach No. 1 on the U.S. Albums Chart”.