Boluntaryo nga pagsuksuk sang Face Mask, ipatigayon sa mga Open Spaces lamang

Matapos nga gin rekomendar sang Inter Agency Task Force okon IATF ang baluntaryo nga pagsuksuk sang face mask, ginklaro sang Department of Health, nga para lamang ini sa “open spaces” okon sa mga lugar nga may nagakaigo nga suplay sang preska nga hangin.

Ginklaro man ni DOH Officer in charge Maria Rosario Vergeire, nga kinahanglan pa ni Presidente Ferdinand Marcos Jr. nga mag isyu sang executive order angut diri.

Sa karon, indi pa ini makabig nga isa ka polisiya bangud wala pa sang “legal instrument” antis ini ipatuman.

Suno kay Vergeire, ila lamang ginpahibalo ang publiko angut diri, bangud may yara na sang “verbal approval” gikan sa pangulo ang rekomendasyon sang IATF.