METRO MANILA – Ginsiling ni President Ferdinand “Bongbong” Marcos Jr. nga indi na kinahanglan sang layi sa pag-mandatory sang booster shots sa pungsod sang Pilipinas.
Indi na ini kinahanglan himuan sang layi bangud may kahilwayan ang mga Pilipino sa pagpili sang ila kaugalingon nga lawas, suno kay Marcos.
Apang, ginahingyo naman ni Marcos ang publiko nga magpabakuna sang booster shots angot sa kampanya sang gobyerno, ang preparasyon sa pagbukas sang face-to-face classes kag pagbukas liwat sang ekonomiya sang pungsod.
Ginapangunahan naman ang nasambit nga kampanya sang Department of Health, Department of the Interior and Local Government, kag Department of Education.
Ginpaathag naman ni Marcos ang importansya sang bakuna batuk COVID-19 bangud ginpaidalum ini sa isolation sa sulod sang pito ka adlaw sang nagpositibo ini sa COVID-19 sadtong Hulyo 8.
