Patay ang isa ka Brgy. Kagawad matapos ginluthang sang tatlo ka wala makilal-an nga suspetsado las 6:30 sang gab-i, Enero 14,2023 sa Sitio Banban, Brgy. Guba, Vallehermoso, Negros Oriental.
Ang biktima amo si Brgy. Kagawad Cerilo Balasabas, 48-anyos, kag residente sang nasambit nga lugar.
Sa inisyal nga imbestigasyon sang Vallehermoso PNP, yara sa guwa sang balay ang biktima upod ang iya asawa sang nag-abot ang tatlo ka suspek nga may dala mga armado nga armas.
Ginsugo sang mga suspek ang asawa sang biktima nga magsulod sa ila balay kay estoryahon ang iya sini nga bana apang pila lang ka minutos, ginluthang ang biktima nga gintunaan sang iya gilayon nga kamatayon.
Gilayon naman nga nagpalagyo ang mga suspek.
Sa karon, padayon ang imbestigasyon sang Vallehermoso PNP angot sa insidente.
