Ginhingadlan na sang Special Investigation Task Force Plaza si Brigadier General Jesus Durante III bilang mastermind sa pagpatay sa negosyante nga si Yvonette Plaza sang tinalikdan nga Disyembre 2022 sa Davao City.
Suno sa Task Force, imbolbado man sa kremin ang anum pa gid ka mga soldado.
Ginakabig man nga “crime of passion” ang kaso.
Gin relieve si Durante, bilang Commander sang 1001st Brigade, matapos nga ginhingadlan bilang person of interest sa pagpatay kay Yvonnette Chua Plaza, antis gin umpisahan ang imbestigasyon.
Ginklaro ni Philippine Army chief Lieutenant General Romeo Brawner Jr., nga wala sang kaangtanan sa serbisyo ang insidente.
Ginpanginwala ni Durante nga siya ang sa likod sang kamatayon sang negosyante kag modelo nga si Plaza.
Sang Abril tuig 2022, ginhingadlan ni Plaza si Durante sa isa ka facebook post nga responsable sa pagsakit sa iya, apang ginpanginwala ini ni Durante.
Sang tinalikdan nga Disyembre 28, nakit-an sa CCTV nga gintayaan sang armas luthang si Plaza.
Nakit-an si Plaza nga duguon kag wala na sang kabuhi sagwa sang iya gina arkilahan nga puluy-an sa Davao CIty, sa pareho man nga adlaw.*
