BTS nakakuha sang duha ka record titles sa Guinness World Records

Ginkilala sang Guiness World Record ang Korean boy group nga BTS bilang “most streamed male group on Spotify” sa ikaduha nga tion, matapos makakuha ang ila kanta sang 31,960,000,000 nga streams sadtong Marso 3, 2023.

Ang “most streamed” nga kanta sang grupo amo ang “Dynamite”, kag ginsundan ini sang “Butter” kag “Boy with Luv”.

Magluwas diri, nakuha man sang BTS ang record para sa “Most Nickelodeon Kids’ Choice Awards blimps won for Favorite Music Group” sa ginpatigayon nga Nickelodeon Kids’ Choice Awards sa USA sadtong Marso 4, 2023.*

via Guinness World Records