Wala pa ma-endorso para sa plenary debates sang Senate subcommittee on finance ang ginaduso nga budget sang Department of Social Welfare and Development (DSWD) para sa masunod nga tuig.
Ginapasumiter pa ni Sen. Panfilo Lacson kag Sen. Imee Marcos sang detalyado nga report ang DSWD angut sa ila mga programa nga ginapatuman.
Lakip sa mga ginapasumiter sang DSWD ang matrix sang implementasyon sang Pantawid Pamilyang Pilipino Program (4Ps), Sustainable Livelihood Program (SLP) kag ang Kapit-Bisig Laban sa Kahirapan-Comprehensive and Integrated Delivery of Social Services (Kalahi-CIDSS).
Ginapadeterminar sa report sang ahensya ang mga accomplishments kag mga nangin benepisyaryo sang tagsa ka programa.
Ginapasumiter man sa DSWD ang detalyado nga report angut sa emergency subsidy sa idalom sang Republic Act No. 11494 ukon Bayanihan 2 law.
