Natuman na gid man ang handum sang isa ka bulag sa Baguio City nga mangin isa ka abogado, matapos nga nakapasar sa bar exam.
Suno kay Anthony Mark Emocling, wala makapugong sa iya handum nga mangin isa ka human rights lawyer ang iya “disability” okon bulag nga mata.
“Visually impaired” si Emocling kag ikaapat na ka beses nga nagkuha sang eksaminasyon, antis nga nakapasar, suno sa report sang Manila Bulletin.
Wala sya madulaan sang pag-asa kag pursigido nga mangin abogado, bangud sang iya amay nga taxi driver kag iloy nga vendor sang frozen foods, nga wala nagbatyag sang pagkataka sa pagsuporta sa iya.
Siya ang una nga anak sa duha ka mga kabataan sang mag-asawa.
Nakatapos sang iya pagtuon si Emocling sa Baguio City National High School-Bakakeng Annex sang 2013 kag School of Law of the University of Baguio sang 2017.
Kalakip sa mga handum ni Emocling amo ang pagserbisyo sa mga pareho niya nga may deperensya okon person with disability.
“Actually this is my fourth time since I started to take Bar exam in 2017, that’s why I wasn’t lucky then, but I didn’t lose hope, instead, I continued every year with the Bar exam, and now I’m lucky and very happy because my dream has come true, not only for myself, but for my families who guide and continue to support me,” pahayag ni Emocling.*
