Kinahanglan sa gihapon sang mga residente malapit sa bulkan Kanlaon ang maghalong, apisar nga wala ginalauman ang pagbuga sang magma sa baba sang bulkan.
Suno sa Philippine Institute for Volcanology and Seismology (PHIVOLCS), 15 ka mga “volcanic quakes” ang na record sa Bulkan Kanlaon sa sulod sang 24 oras.
Ginpaathag sang PHIVOLCS, nga indi related sa pagsaka sang magma ang nakita nga aktibidad sa bulkan, gani wala sang nakita nga “explosive eruption” sa Kanlaon.
Apang, ginpalayag ni PHIVOLCS officer in charge Renato Solidum, nga ginalauman ang phreatic eruptions okon steam-driven explosions sa bulkan.
Angut sini, kinahanglan nga maghalong ang mga residente malapit sa bulkan batuk sa pagbuga sang abo sa crater sang Kanlaon.
“Kung steam o usok lang ang sasabog, ang iiitsa niyang abo ay mga recycled material lamang mula sa crater at kailangan lang na wag pumasok sa 4-km permanent danger zone ang ating mga kababayan para makaiwas sila sa peligro.”
