BUREAU OF CUSTOMS NAKAKUMPISKAR SANG P5.1 M BALOR SANG UKAY-UKAY

Nakumpiskar sang Bureau of Customs- Port of Legazpi ang kapin P5.1 million balor sang ukay-ukay.

Sa press release, ginsiling sang BOC-Legazpi nga na-intercept nila kaupod ang Philippine Coast Guard (PCG)- Sorsogon, ang isa ka wing van truck nga may unod nga mga items sa Matnog Port sa Sorsogon sadtong Lunes nga adlaw, Nobyembre 1.

Base sa sales invoice, gintransport gikan sa Mindanao Avenue sa Quezon City padulong sa Davao City.

Base sa ginconduct nga imbentoryo, may unod nga 449 bundles sang ukay-ukay nga nagabalor P5.1 million.