Bus nahulog sa pil-as sa Peru, 24 ka mga persona nagkalamatay

Patay ang 24 tanan ka mga persona, matapos nga mahulog sa pil-as ang bus nga may 60 ka mga pasahero.

Wala na matumod kon anu ang “nationality” sang mga pasahero, apang suno sa mga otoridad, may mga Haitians nga mga migrants sa Lima, Peru, nga nakasakay man sa nasambit nga bus.

Nagluntad ang trahedya Sabado nga adlaw sa Piura province.

Nagikan sa Lima kag magapadulong na kuntani sa Tumbes ang bus nga ginapanag-iyahan sang Qorianka Tours Company sang magluntad ang insidente.

Nahulog ang bus sa pil-as okon lugar nga ginatawag sang mga tumandok bilang “devil’s curve”.

Nagtabog gikan sa bus ang pila ka mga pasahero samtang ang iban naman na “trapped” mismo sa sulod sang nasambit nga salakyan.*