Bus nga ginasakyan sang mga bisita sa kasal, nahulog sa madalum nga pil-as, 25 patay

Nagkalamatay ang 25 tanan ka mga persona sa India, matapos nga mahulog sa madalum nga pil-as ang bus nga ginasakyan sang mga imbitado sa kasal.

Base sa report, 45 tanan ka mga persona ang nagasakay sa bus sang mahulog sa pil-as nga may kadalumon nga 500 ka metros.

Masami nga nagaluntad ang aksidente sa Uttarakhand sa diin makit-an ang Indian Himalayas nga lugar sang madamu nga religious pilgrimage sites.