Cameraman Gin-Turnover ang Napudyot nga Cash; Tag-Iya Isa ka MPBL Player

QUEZON – Gin-turnover sang cameraman nga si Floyd Pajas ang napudyot sini nga bag nga may unod nga cash sa syudad sang Quezon.

Suno kay Pajas, nakita sini ang bag sa parking area sang Araneta Coliseum kag natukiban ang isa ka wallet nga may madako nga balor sang cash.

Gilayon nga nakig-angot si Pajas sa mga otoridad agud maibalik sa tag-iya ang nasambit bag.

Nahibaluan nga isa ka Maharlika Pilipinas Basketball League (MPBL) Player ang tag-iya sang bag nga ginkilala kay Hesed Gabo.

Nakuha naman ni Gabo ang iya nadula nga bag kag wallet, kag tuman ang pagpasalamat sini kay Pajas bangud pambayad sini ang cash sa iya mga balayran.