Ginapangitaan nalang sang paagi ang gina ulaan sang IPM-CDC sa Felisa Sanitary Land Fill sa Cell No. 2 para ma plastar sang husto ang mga basura nga halin sa nagkalian-lain nga barangay tungod kay full capacity na ang sitwasyon sini, suno kay Punong Barangay Ramon Jardin sang Barangay Felisa.
Dugang pa ni Jardin, may gin preparar nga Cell number 3 para sa mga basura, apang sa Agosto pa ini pwede magamit kag indi pa plastado ang lugar sa subong.
Suno pa kay Kap Jardin sa interview sang Radyo Bandera may ginapatuman sila nga polisiya sa barangay para indi mag reklamo ang mga tawo sa Barangay Felisa.
Parehas na lamang sang pagbutang sang net sa landfill, pagtinlo kag pag-disinfect sang truck.
Sang mag bisita si Bacolod mayor-elect Albee Benitez sa Felisa Sanitary Landfill, iya ginhambal nga paga tun-an sini ang problema nga gina atubang sang Bacolod parte sa basura. Ang kontrata ka IPM-CDC sa pag dumala sang Felisa Sanitary Landfill ang asta pa sa bulan sang Disyembre sa sini nga tuig.*
