Checkpoint Turned Wedding Proposal in Don Salvador Benedicto

0

Nagaplano na kuntani nga mag-settle down ang magkahagugma nga sanday Rodjohn and Naicel, taga ciudad sang Sagay, Negros Occidental, apang naabtan sila sang coronavirus disease (COVID-19) kag nadugayan man ang pag-abot sang singsing.

Apang sang Pebrero 14, samtang ini sila ang nag Sunday rides sa banwa sang Don Salvador Benedicto, Negros Occidental, pila ka mga kapulisan ang nag-flagdown sa ila kag nangita sang papeles.

Suno kay Naicel, sang pagkakita niya sa mga pulis, iya ginhuna-huna nga normal lang ini kag kabalo man siya nga kumpleto sang papeles kapareho sang driver’s license kag OR/CR si Rodjohn.

Ginrikisa sang mga kapulisan si Rodjohn samtang ginpangitaan naman sang ID si Naicel.

Nagsugod ang kulba ni Naicel sang naghambal ang kapulisan nga may pending nga warrant of arrest si Rodjohn, nga gin-alegar may nakaagi nga nabungguan.

Ginpapaluhod sang mga kapulisan si Rodjohn samtang ginapa-verify kuno abi ang record sini.

Si Naicel ang nagatinghuwa nga mag-contact sa ila himata, sang naghumlad ang signage nga “Will you marry me?”

Nakayuhom si Naicel sang nakita ini bangud suno sa iya, wala gid siya sang ediya miski gamay nga ma-propose si Rodjohn,

Dako naman ang pagpasalamat ni Rodjohn sa mga nagbulig nga matigayon ang iya nga proposal, ilabi na sa iya mga riders friends, pamilya nila ni Naicel, kag sa mga kapulisan.* – Photos courtesy of Red Paper Studios

Leave a Reply