Tuesday, December 6, 2022

CHED TARGET NGA MABAKUNAHAN ANG 80% TERTIARY STUDENTS

- Advertisement -

Determinado ang Commission on Higher Education (CHED) nga bakunahan ang 80 porsyento sang mga estudyante sa kolehiyo batok sa coronavirus disease (COVID-19) sa pagtapos sang Nobyembre 2021.

Ginsiling ni Chairman Popoy De Vera sa isa ka press briefing kasunod sang pagpabakuna sa mga estudyante sa Quezon City University (QCU) sadtong Biyernes nga ang target vaccination rate sang CHED sa mga estudyante sa kolehiyo ang 70 tubtob 80 porsyento sa pagtapos sang Nobyembre.

“Our target is to vaccinate all or 100 percent of the students,” pahayag ni De Vera.

- Advertisement -

Base kay De Vera, 30 porsyento sang mga estudyante kag 70 porsyento naman sang faculty sa mga unibersidad kag kolehiyo ang nabakunahan na sa bilog nga pungsod.

Gin-engganyo naman ni De Vera ang Higher Education Institutions (HEIs) nga magtukod sang maayo nga relasyon sa ila LGUs agud mas mapadasig ang pagbakuna sa mga estudyante.

“What we have noticed on the ground is that the schools that have good relationships with their LGUs have higher vaccination rates among students and their faculty,” pahayag ni De Vera.

Magluwas diri, gin-anunsiyo man ni De vera nga plano sang CHED nga dugangan ang kadamoon sang mga vaccinators nga magahalin sa mga estudyante sang Medisina kag Nursing.

“Maybe in a week or so, we will now issue the new guidelines to allow students in Nursing and Medicine in their fourth year and new graduates to act as vaccinators,” pahayag ni De Vera.

Base kay De Vera, magapaguwa ang CHED sang memorandum nga nag-agree sa pag-deploy sang Nursing kag Medicine students sa mga vaccination sites.

Dugang pa sini nga indi lang mangin eksklusibo sa mga eskwelahan kag estudyante kundi mangin sa mga LGUs agud madugangan ang manpower sa pagbakuna sa komunidad.

Suno kay De Vera, may yara sang imbentaryo sang kadamooon sang mga estudyante nga pwede mangin vaccinators.

Pagatalakayon naman ini sang CHED kag sang Department of Health (DOH) sa health offices sa mga ciudad kag munisipalidad.

Ginsigurado naman niya nga ang mga Nursing kag Medicine students ang igapaidalom sa joint CHED-DOH guidelines.

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

- Advertisement -

Latest Articles