Patay ang 30-anyos nga vlogger nga ginkilala kay Lamu matapos wala ini matabangan sang ginsunog sang iya anay bana.
May yara ini sang masobra sa 885,000 followers sa Douyin ukon Chinese version sang Tiktok kag masami ini nga nagapost sang video sang iya kabuhi sa bukid, nagaluto kag naga-lypsync sang kanta samtang suksok ang bayo sang traditional Tibetan.
Suno sa mga otoridad, nakumpirmar nga ang biktima ang ginbubuan sang gasolina kag ginsindihan sang iya anay bana samtang naga-livestream ini.
90 porsyento sang lawas ni Lamu ang nasunog bangud sang natabo. Samtang gindetain naman sa prisuhan ang anay bana sini.
Nakatipon sang 1 million yuan ($150,000) ang mga fans sang biktima para sa iya nga pagpabulong apang wala ini makasalbar.
Napulo ka libo ka mga followers sini ang nagbilin sang comments sa iya nga Douyin page, samtang minilyon naman nga users sa Weibo ukon twitter like platform ang nagasinggitan sang hustisya gamit ang trending nga hashtags nga “Lamu case” kag Lamu died after being set on fire by her ex-husband”.
