BACOLOD CITY – Buhion liwat sa Bacolod ang selebrasyon sang Christmas Festival of Lights sa kada ikaduha nga Sabado sa bulan sang Disyembre, suno kay Councilor Jason Villarosa, Chairman sang Committee sang Tourism.
Dugang pa sang konsehal nga 7 ang maga pasakop sa parada sang Float sa Christmas Festival of Lights, 2 sa public schools, 2 private schools kag 3 naman sa stakeholders.
Ang float motorcade ang magasugod sa dalan Ramos kag magatapos naman sa Bacolod City Public Plaza kag ini ang indi isa ka kompetisyon, selebrasyon gid lamang.
Sang nagligad nga tuig nangin madinalag-on ang Festival of Lights kun sa diin ginbutang sa Bacolod City Public Plaza ang tunnel of lights kag kalabanan sa mga kahoy ang gin butangan sang madinuagon nga suga.
Sa madumduman sadtong tuig 2018 ini ang gin pasar Councilor Em Ang para mangin ordinansa sang Bacolod.
Ang konsehal ang na inspire nga himoon ang nasambit nga ordinansa bangud sang parada ka STI – West negros University nga nahimo sa masobra na 20 ka tuig.
Naga parade ang mga estudyante, faculty kag staff bitbit ang ila lighted Christmas lanterns.
Sang tinalikdan nga tuig, kapin 95,000 ka mga Christmas lights ang naghatag man duag sa Christmas Village nga gintukod sa Bacolod City Public Plaza.*
